منبر ابناء ولاية النيل الازرق
المواضيع الأخيرة
» التقينا صدفه و صدفه غريبه
الإثنين مايو 30, 2016 8:10 am من طرف خالد بابكر

» اذاعة ولاية النيل الأزرق - هنا الدمازين
السبت يوليو 12, 2014 8:34 am من طرف خالد بابكر

» الف حمد الله على السلامه ملتقى النيل الأزرق
الأحد أبريل 08, 2012 9:14 am من طرف خالد بابكر

» تعالوا نضحك مع بعض شوية
الأربعاء أكتوبر 19, 2011 10:28 am من طرف الرشيد كشك

» قاتل الله الحرب
الجمعة أكتوبر 07, 2011 2:19 pm من طرف خالد بابكر

» فكر واشكر
السبت سبتمبر 17, 2011 8:50 am من طرف خالد بابكر

»  حساب الزمن .. يختلف
الخميس سبتمبر 15, 2011 10:38 am من طرف الرشيد كشك

»  انشطار جبل بالنيل الأزرق وتدفق المياه منه بغزارة
السبت سبتمبر 03, 2011 10:05 am من طرف خالد بابكر

» رسالة قيمة
الثلاثاء أغسطس 30, 2011 5:32 pm من طرف Wadchali

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 22 بتاريخ الأربعاء أبريل 21, 2010 11:13 pm

نحو أسماء سودانية خالية من الدلع

استعرض الموضوع السابق استعرض الموضوع التالي اذهب الى الأسفل

default نحو أسماء سودانية خالية من الدلع

مُساهمة  خالد بابكر في الأربعاء مارس 30, 2011 8:55 am

أسماؤنا السودانية القديمة الأصيلة، كان من الصعب بل المستحيل بأن تأتي لها باسم دلع، فمهما بلغت براعتك فلا يمكنك أن تدلّع أسماء مثل: بلة، الطريفي، أب جيبين، التجاني الخزين، عجبين، الزبير، أب كساوي، الصديق، فضل المولى، فتح الرحمن، عبد الجبار، البشير،عكاشة، الجنيد، تيراب، الريّح، الماحي، حمد النيل، حسب الله،حسب الرسول , جبارة الله، أب سقرة، البي كيفو، تميم الدار، جبر الدار، عمسيب الجاك، الجزولي باشكار ,وغيرها..



عليْ النعمة تحاول تدلع أي واحد من الأسماء الفوق ديل إلا ضهرك كع ينكسر، لأنها أسماء قوية زي الخرسانة... أسماء مضببة ضد التدليع زي العكاكيز.. أسماء أهلنا زمان أسماء رجال وما في أي طريقة لتمييعها أو تدلعيها،


حتى النسوان عندنا كان أسماهن صلبة ومحتشمة، وتنافس أسماء الرجال! في قوتها وخشونتها، فنلقى أسماء مثل ست النفر، الساتر الله، أم حقين، البتول، سكينة، التاية، نفيسة، النخيل، أم زين، بت الجقمتها وغيرها، والواحدة حتى لو أهلها كانوا متحررين، بالكتير يسموها الصندلية، ومع ذلك ما تقدر تشوفها أو تشم ريحتها، النسوان كانن بنات خدور...


والراجل ذاتو بيكون معجب باسم أمو المحتشم وتلقاهو يحلف بيهو في الصغيرة والكبيرة فنسمع: أنا ولدك آآآ ام زين .. أنا ولدك آآآ البخيتة.. هسه أولاد الزمن ده يقولوا شنو ويحلفوا باسم منو.. معقول الواحد يقدر يقول: أنا ولدك يا عبق أو أنا ولدك يا رنا؟


أهلنا الكبار الزمان كانوا ما بعرفوا الني وكل شيء عندهم نجيض. الني بدوهوا النار..



عليْ الطلاق تنطق الاسم كده لما شعرة جلدك تكلّب، وتتنفخ وجضومك تتورّم من العجب والخيلاء بهذه الأسماء



أب كريق في اللجج
سدّر حبس الفجج
عاشميق حبل الوجج
أنا أخويا مقلام الحجج



أبشر آ جنا .. حررّم تبشر.. أبشر آ جنا التقدْ مركوبك..


مش زي أسماء الأيام دي، شدة الأسماء ما بقت مايعة تقررررّب تخت الاسم في التلاجة عشان يجمد ويبقى اسم رجال.



شوفوا الأسماء دي: وائل، وضاح، وحيد، وليد، وديع، ربيع، مازن، تامر، لؤي، راني، هاني، نادر، حمادة، طلال، مهند، إيهاب وغيرها..

والأسماء دي رغم مياعتها لكن الناس برضو دلعوها، فحصل ليها ما يعرف في اللغة بتمييع المايع وهو محرّم لغوياً فسمعنا ب: هنو، ولي، مزوني، تموري، عموري، ندوري، هنودي، هوبة وغيرها من الأسماء المايعة الما شادة حيلها...


وكذلك غناهم كان غناء رجال وأصواتهم كانت أصوات رجال،


كان المغني يغني الليل كلو بدون مايك وصوتو تلقاهو زي الجبخانة

يا ليل أبقالي شاهد على نار شوقي وجنوني



وناس زمان ديل حتى كعكهم كان كعك رجال.. تدخل الكعكة في خشمك كده لما يغلبك تلوكها وتقعد تقرقش فيها كُرُم كُرُم زي الخروف القاعد يصقع في الجرة. والآن جابوا لينا الكعك المايع بشتى أنواعو تدخل القطعة في خشمك تجي تلوكها تلقاها عملت (سواح) وما تعرف ! نفسك هل أكلتها ولا ما كانت في قسمتك..



نفس الشيء ده بينطبق على الولادة، زمان الواحدة تلد من خمسة لعشرة وكل سنة تساهم مع زوجها في مصاريف البيت بإنجاب طفل جديد، ومرات لو الظروف ساعدتها ممكن في نفس السنة تلد طفل وتشرع في وضع حجر الأساس لطفل جديد، ومرات الراجل ذاتو من كترة الولادة، ما بعرف أسماء أولادو ومنو الأكبر ومنو الأصغر فيهم.. الراجل يسأل مرتو: إنتِ آآآ الزينة دحين كبير ضيف الله ولا كرم الله ؟ فتجيبه الزينة باستغراب: أجي يا راجل: شن جاب ضيف الله لكرم الله! أنا لما ولدت كرم الله ده، ضيف الله كان يا دوووب بيحبا، لكنهم الاتنين مولودين! في نفس السنة المات فيها خالي عبد الرحمن.....



بنات الزمن ده الواحدة إلى أن يتخرج ولدها من KG2، حتى يقولوا ليك فلانة قاعدة تتوحّم.. وهو شن الوحم؟ الواحدة وحمها ذاتو مخالف وضد العادات والتقاليد.. تلقاها متوحمة ليها على تفاح لبناني أو زبيب إيراني أو عنب إيطالي أو مهند تركي، فيطلع ليها الولد باطل ومنعّم ومرخ رخ ،والواحدة أصلها ما بتراعي ظروف زوجها... زمان حتى وحم حبوباتنا وأمهاتنا كان وحم رجال ووحم بسيط وسهل التنفيذ ، الواحدة تتوحم على أم بقبق فيقوم يطلع الولد لايوق وعبيط أو تتوحم على ويكاب مرس فيطلع الولد بتاع مرايس وشطوط! وكمونية .. نحن ناس بتعيش حياتها بالكمونيّة والنيّة السليمة)..



أهلنا الزمان كانوا متباشرين وحنينين، بكاهم شهر وعرسهم شهرين، والواحدة لما يموت راجلها من شدة الحزن والأسف والإخلاص، بدل أربعة شهور وعشرة يوم، تتحبس عليهو ثمانية شهور وعشرين يوم، لأنو أصلنا ما كنا بنعرف الشوية.. شهر العسل كان عندنا ثلاثة شهور، العريس يعديها في ضبّيح الخرفان .



أولاد الزمن ده شهر العسل عندهم ما بزيد ليهو من أسبوع بالكتير، وبعد ده كلو الواحد يقول ليك عاوز أتزوج تاني، الشرع حلل لي أربعة... يا اخي في الأول شبّع زوجتك الأولى مودة ورحمة ولحمة وبعد كده فكّر في الزوجة التانية..



عليْ الجزيمة في الزمن المايع ده حتى شطتنا بقت مايعة وما بتحرق.. ونحن والله شعب لو ما حس بالشطة في جوفو تسوي تح تح، الأكل ما ينفعو. أنا ود التور البتنتّح ومن الشطة ما بقول أحححححح الزمن ده بقى زمن الكيتشاب والمايونيز، أما الشطة الخضراء وشطة القبانيت فزمنهم فات وغنايهم مات..

الناس هجرت المطاعم وبقوا مستعجلين وما عندهم وقت للقعاد عشان كده اتجهوا للكافتيريات، الأكل كلو بقى عبارة عن بوفتيك وطعمية وبرجر وما شابه، والناس بقوا زي المجانين تلقاهم ياكلوا ماشين ويتكلموا ماشين وكان قلت لزول سلام عليك لا بسمعك ولا برد عليك.. مشيت السودان قبل سنة ما لقيت زول يتونس معاي وفي النهاية جيت راجع وشنطتي مليانة ونسة وشوق للناس الزمان...



وكلابنا برضها بقت مايعة وكسلانة ومسكينة وما بتهوهو في زول، الكلب تجي ماشي فوق ليهو ما يقول ليك هوْ، ولو بقى نشيط خلاص، يقوم ينبح فيك بتهوهوة واحدة تاني ما يزيدها، كأنو عامل ليك مس كول.. مرة ناقشت مسألة عدم مبالاة كلاب اليوم مع واحد كلب، فقال لي: زمان كان بيطغى الحماس والانفعال على أدائنا ككلاب، وكنا بننبح في الفاضية والمليانة، لكننا لما شفنا الحكومة ما بتدفع لينا مواهي وحاولت تستملحنا، قلنا ما لنا ومال المشاكل والعباطة الفي الفارغ.. ونحن الآن في ظل نظام عالمي جديد ولن ننبح ببلاش لأنو في حاجة اسمها الملكية الفكرية وأصواتنا دي لازم تقيّم التقييم المناسب واللي عاوز ليهو (هوت دوق) يشوفوا بعيد مننا، نحن خلاص ودعنا عهد العباطة والتهور.
فقلت في نفسي: يا حليل زمان وأيام زمان... لما الكلاب كانت بتسك الشفّع وتشرط هدومهم.. الآن نبيحها ذاتو بقى مشروط.. زمان تجي ماشي تلقى الكلب منتظرك في الطريق مليان جسارة وعنفوان ولسانو حالو يقول يا دنيا ما فيك إلا أنا، أما الآن فالكلاب بقى مغضوب عليها وضالة ومهمشة وبتعيش على حافة النسيان ولو نظمت نفسها كويس ممكن تدخل الغابة أو تقيم في فنادق وتعلن التمرد وتعمل ليها حركة تمرد وممكن تسميها حركة تحرير الكلاب وتختصرها في كلمة (حتك)...



يا جماعة الكلام ده عيب في حقنا وما بصح في حق شعب عاش (علماً) بين الأمم .. ويا جماعة كفانا تمييع أسماء وتمييع كعك وتمييع وحم وتمييع فحولة وتمييع قضايا وتمييع مياعة وخلونا نرجع لقديمنا ونخلي في البنسوي فيهو ده، الكلام ده بالحيل ما سمح في حقنا ..


حليل زمن الصبا الماضى حليل زهر الحياة الزاهر
حليل زمن الحبيب راضى وحليل زمن الهوى الطاهر
حليلو الأبلج الباسم حليلو الكاحل الناير
حليل قمر السما القاسم لياليه وصبح داير
آه لو آه تفيد مجروح والمثل القديم ساير
رهاب ماحصلو الجاري وسماك ما حصلو الطاير
تجدنى مراقب أخبارك اذا النسمات بها تخابر
تجدني على الفراش مضنى وتجدنى على الأسى صابر
أنا البعدك أصون عهدك وليتك كنت بى خابر
وليتك مرة تذكرنى ولو في ذكرة الغابر

_____________________

_____________________

لمتين أزورك ؟ يغمرني نورك
تجري الدموع و تروي سورك يا يا نبينا

[ندعوك للتسجيل في المنتدى أو التعريف بنفسك لمعاينة هذه الصورة]
avatar
خالد بابكر
نائب المدير العام و مشرف منتدى الحاسوب
نائب المدير العام و مشرف منتدى الحاسوب

عدد الرسائل : 806
العمر : 52
الموقع : http://www.helalia.com/vb/forumdisplay.php?s=&daysprune=-1&f=53
البلد : أبو نعامة

تاريخ التسجيل : 31/12/2008

http://www.helalia.com/vb/forumdisplay.php?s=&daysprune=-1&a

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  بدرالدين الزين في الخميس مارس 31, 2011 12:22 am

كلام جميل و مؤسس و بمس مكان الوجعة و لكنه بكاء على الاطلال ،، ولى عوده ان شاء الله
avatar
بدرالدين الزين
عضو دهبى
عضو دهبى

عدد الرسائل : 141
العمر : 54
الموقع : badereldenqatar@gmail.com
البلد : عصبى

تاريخ التسجيل : 17/01/2009

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  خالد بابكر في الخميس مارس 31, 2011 2:57 am

شكرا عزيزي على المرور و الذي أضاف الألق الى صفحتي

_____________________

_____________________

لمتين أزورك ؟ يغمرني نورك
تجري الدموع و تروي سورك يا يا نبينا

[ندعوك للتسجيل في المنتدى أو التعريف بنفسك لمعاينة هذه الصورة]
avatar
خالد بابكر
نائب المدير العام و مشرف منتدى الحاسوب
نائب المدير العام و مشرف منتدى الحاسوب

عدد الرسائل : 806
العمر : 52
الموقع : http://www.helalia.com/vb/forumdisplay.php?s=&daysprune=-1&f=53
البلد : أبو نعامة

تاريخ التسجيل : 31/12/2008

http://www.helalia.com/vb/forumdisplay.php?s=&daysprune=-1&a

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  عاشقة الروصيرص في الأربعاء أبريل 20, 2011 3:39 am

موضوع رائع تستحق التقييم عليه
^_^
avatar
عاشقة الروصيرص
مشرف منتدى المرأة
مشرف منتدى المرأة

عدد الرسائل : 44
تاريخ التسجيل : 04/08/2009

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  خالد بابكر في الأربعاء أبريل 20, 2011 5:59 am

شكرا على المرور

فاقدنها طلتك يا زوله

[ندعوك للتسجيل في المنتدى أو التعريف بنفسك لمعاينة هذه الصورة]

_____________________

_____________________

لمتين أزورك ؟ يغمرني نورك
تجري الدموع و تروي سورك يا يا نبينا

[ندعوك للتسجيل في المنتدى أو التعريف بنفسك لمعاينة هذه الصورة]
avatar
خالد بابكر
نائب المدير العام و مشرف منتدى الحاسوب
نائب المدير العام و مشرف منتدى الحاسوب

عدد الرسائل : 806
العمر : 52
الموقع : http://www.helalia.com/vb/forumdisplay.php?s=&daysprune=-1&f=53
البلد : أبو نعامة

تاريخ التسجيل : 31/12/2008

http://www.helalia.com/vb/forumdisplay.php?s=&daysprune=-1&a

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  المستشار في الخميس أبريل 21, 2011 2:01 am

شكرا أخي خالد بابكر على هذا الموضوع القيم وإكمالا لما بدأته من مشوار أهديكم هذه القصيدة العصماء لشاعرنا محمد بادي الذي يذم فيها المايعين ويذكرهم بماضي الآباء والأجداد وكيف كانوا صناديد واصحاب شكيمة وعزيمة وتمنى شاعرنا أن يتغير حال الشباب المايع ويطلب منهم التأمل في ماضي الأجداد وحتى لا أفسد عليكم ذلك اترككم مع جزء من القصيدة تخدم الغرض الذى سعى له أخونا خالد بابكر ... مع التحية للشاعر ود بادي .

هوى يا وليد يا دلوعة يا مرنوعة
أعدل إيدك المفدوعة
واتلحلح واقيف دغرى وواس صدرك
مع صدرى واتشجع
ليك الحق
شان ولدوك فوق اسفنج
و أول جديد سوهو ليك بالبنج
وهسع هوايتك إنك تلعب البنق بونق
وليك الحق عشان فطموك بعد مازدت فوق سنتين
وفى سن عشرة نومك كان على الليدين
غطاك بالشاش وفرشك بحرير الصين
والبتدورو كلو بتلقى قاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين
وفى سن عشرة نومك كان على الليدين

وليك الحق
عشان ما خضت فى وحل المطر والطين
ومن الترعة ما سويت شراب الهين
وما قيلت فى ضل دومة بى فرعين
وما شاققت عرق النيل مع الوزين
وما عانيت وقوف الصف وراء التموين

وليك الحق

عشان ادمنت عيشة اللين
مشي الاسفلت ما جربتو بالكرعين
ركوب اللورى فى شمساً تصر العين
وما عانيت وقوف الصف وراء التموين
عشان يا انت ما بتدرى سجل ابواتك البدرى
دحين اسمع .. أقيف واسمع
سماك الباكى مجدو الزال
يا ما كانوا تحتوا رجال
ابوخنجر وابوشوتال
والصقر البجيك خوجال
صوتن كان يمين جلجال
ومكسيين كمال وجلال
لكن الزمن اسرع
سيفن بلحس الفقره
وما كان برضو بالحقرة
وكانوا بضبحوا الشقره
وكانوا بضوقو العادوه نوم الكوع
وكانوا بموتوا فى شان حرمة المفزوع

الجعلى اب شرابا حار وقالوا بعدى يومو خنق
والشايقى البياكل النار وفوقو نحاسو متخنق
ودرفون البجا الصقار حاقب سيفوا ياكل الشق
والغرباوى عينو شرار وكضب القال عندو عرق
والنيلى البعرفوا كتار على كتل الأسود جرّق
والبطحانى والشكرى وغيرهم من أهل فخرى
ومنهم أصلى لا بشبع ولا بقنع

المستشار
مشرف المنتدى الاسلامى
مشرف المنتدى الاسلامى

عدد الرسائل : 75
تاريخ التسجيل : 13/09/2008

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  خالد بابكر في الخميس أبريل 21, 2011 6:15 am

[ندعوك للتسجيل في المنتدى أو التعريف بنفسك لمعاينة هذه الصورة]

_____________________

_____________________

لمتين أزورك ؟ يغمرني نورك
تجري الدموع و تروي سورك يا يا نبينا

[ندعوك للتسجيل في المنتدى أو التعريف بنفسك لمعاينة هذه الصورة]
avatar
خالد بابكر
نائب المدير العام و مشرف منتدى الحاسوب
نائب المدير العام و مشرف منتدى الحاسوب

عدد الرسائل : 806
العمر : 52
الموقع : http://www.helalia.com/vb/forumdisplay.php?s=&daysprune=-1&f=53
البلد : أبو نعامة

تاريخ التسجيل : 31/12/2008

http://www.helalia.com/vb/forumdisplay.php?s=&daysprune=-1&a

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  Wadchali في السبت أبريل 23, 2011 3:33 am

شكرا اخي خالد علي المساهمة الجميلة البتفك من الاسترس العايشنو يوميا كلام حلو لكنك نسيت جغرافيا اسماءنا و دي مناسبة نزودكم بيها و طبعا عندنا الاسماء الرجولية فتح الله , و تدليعها فتحي , قسم الله و تدليعها قسم , عتمان و تدليعها اتمان , رزق الله , فرج الله و عبدالفراج جمعة ,خميس , أثنين ,سبت ,رمضان ’ فطر , فطورة للمؤنث و ضحية , خادم الله و تدليعها هادو و اكثر تدليعا هادو بالا ,بخيتة و تدليعها بكو واكثر تدليعا بكو بالا ,نفيسه و تدليعها نفو , ضوه و تدليعها ضوو ,
عندما خرجنا من السودان وجدنا اختلاف ثقافة الاسماء ففي نجد مثلا تجد الاسماء طعفوس , مناحي , خريص , قنفذ , راكان , صقر ,صنت وصنهات,صنيتان ,خشمان ,مشاري , وائل وهي من الاسماء القوية من يئل بالدارجي يعني شيال التقيلة فلا تجد ابدا اسم ادم و نادرا ما تجد عثمان و اسحق و لقد وجدت بعض الاسماء السودانية هنا بصور اخري فمثلا بادى في السودان هنا بادي بكسر الدال و انقري هنا العنقري ويكثر هنا خميس بالتصغير و اثنين و الثنيان اما الريم فنجد حصة ,العنود , هيلة
اما ما برز في السودانمن اسماء اعتيرها السودانيون دلعا حسب ثقافتهم و هي عند غيرهم غير ذلك فالسودانيون هم اكثر امم الارض تأثرا بمن حولهم و لقد سمعت حديتا اسما عراقيا يتداول في السودان كأيهم و كاظم باعتبارم اسماء دلع
avatar
Wadchali
عضو دهبى
عضو دهبى

عدد الرسائل : 113
العمر : 52
الموقع : السعودية
البلد : moody sometimes

تاريخ التسجيل : 17/07/2009

http://http;llwww.wadchali.blogspot/2010/05/ occasionalpapers

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  خالد بابكر في السبت أبريل 30, 2011 4:45 am

ههههههههههه ه هههههههههههههه هههههههههههههه

شكرا حبيبنا

هههههههههه والله موتني ضحك اضحك الله سنك

_____________________

_____________________

لمتين أزورك ؟ يغمرني نورك
تجري الدموع و تروي سورك يا يا نبينا

[ندعوك للتسجيل في المنتدى أو التعريف بنفسك لمعاينة هذه الصورة]
avatar
خالد بابكر
نائب المدير العام و مشرف منتدى الحاسوب
نائب المدير العام و مشرف منتدى الحاسوب

عدد الرسائل : 806
العمر : 52
الموقع : http://www.helalia.com/vb/forumdisplay.php?s=&daysprune=-1&f=53
البلد : أبو نعامة

تاريخ التسجيل : 31/12/2008

http://www.helalia.com/vb/forumdisplay.php?s=&daysprune=-1&a

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  بدرالدين الزين في الثلاثاء مايو 10, 2011 6:21 am

دائما استاذ ود شالى و اعجبتنى مداخلتك تحس فيها التأسيس الاستاذى يعنى بالفصيح كده (مقعد) يسلم فمك
avatar
بدرالدين الزين
عضو دهبى
عضو دهبى

عدد الرسائل : 141
العمر : 54
الموقع : badereldenqatar@gmail.com
البلد : عصبى

تاريخ التسجيل : 17/01/2009

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  خالد بابكر في الثلاثاء مايو 10, 2011 12:43 pm

اللهم ربي احفظ ود شالي و محبيه ياااا رب

_____________________

_____________________

لمتين أزورك ؟ يغمرني نورك
تجري الدموع و تروي سورك يا يا نبينا

[ندعوك للتسجيل في المنتدى أو التعريف بنفسك لمعاينة هذه الصورة]
avatar
خالد بابكر
نائب المدير العام و مشرف منتدى الحاسوب
نائب المدير العام و مشرف منتدى الحاسوب

عدد الرسائل : 806
العمر : 52
الموقع : http://www.helalia.com/vb/forumdisplay.php?s=&daysprune=-1&f=53
البلد : أبو نعامة

تاريخ التسجيل : 31/12/2008

http://www.helalia.com/vb/forumdisplay.php?s=&daysprune=-1&a

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  Wadchali في السبت مايو 28, 2011 7:28 am

اللهم يحفظكم ويحفظ بلدنا يا حلوين
avatar
Wadchali
عضو دهبى
عضو دهبى

عدد الرسائل : 113
العمر : 52
الموقع : السعودية
البلد : moody sometimes

تاريخ التسجيل : 17/07/2009

http://http;llwww.wadchali.blogspot/2010/05/ occasionalpapers

الرجوع الى أعلى الصفحة اذهب الى الأسفل

default رد: نحو أسماء سودانية خالية من الدلع

مُساهمة  خالد بابكر في الأحد يونيو 05, 2011 4:01 pm

اللهم آمين يا رب العالمين

_____________________

_____________________

لمتين أزورك ؟ يغمرني نورك
تجري الدموع و تروي سورك يا يا نبينا

[ندعوك للتسجيل في المنتدى أو التعريف بنفسك لمعاينة هذه الصورة]
avatar
خالد بابكر
نائب المدير العام و مشرف منتدى الحاسوب
نائب المدير العام و مشرف منتدى الحاسوب

عدد الرسائل : 806
العمر : 52
الموقع : http://www.helalia.com/vb/forumdisplay.php?s=&daysprune=-1&f=53
البلد : أبو نعامة

تاريخ التسجيل : 31/12/2008

http://www.helalia.com/vb/forumdisplay.php?s=&daysprune=-1&a

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى